اجمل التدابير بتاعه ربنا اوعي اي حد يضحك عليك و يقولك غير كدا لانه هيبقي كداب باختصار

باختصار انت مش بتختار اي شيء ربنا اللي بايده كل شيء العملية بسيطة خالص يعني خليني اقولك ان مره كدا قالوا لي انك هتتقل من الشغل و فعليا اتنقلت بين يوم و ليلة كنت فى الاول مستعجب من الامر و عشان ابقي صادق فضلت فتره كبيره كدا لغايه لما عرفت ان تدابير ربنا كانت هي الافضل و رحت مكان اتعلمت منه و اتاثرت فيه بناس كثيره والله جدا و لسه معايا صور حفلة الفراق ليهم و كل واحد مننا راح عاش حياته في حته مختلفه عن التاني بس كانت مجمل القصه انها مرحلة بعدها رحت مكان تاني غيره و كانت برضه مرحلة فى حياتي و كان كل مرحلة ليها اولوياتها و اشياءها الجميلة عايز اقولك النهاردة برضه انا رايح منطقه تانيه برضه فعادي انت مش بتختار حاجه و عايز اقولك اساسا يا معلم ان كل حته ليها حل و كل حوار و ليه حدوته يا معلم و كدا كدا فى لكل حته حلول و مواصلات مش قصه هيعملوا باصات و خلافه لكن انت متغير لازم تغير حياتك بناءا على المتغيرات التي حوليك متبقاش جامد فى مكان واحد ولازم يكون ليك فى كل قصه وحكايه هدف منها متبقاش زي القنفد و دافن نفسك لان بجد ورا كل تجربة هدف و حكمة مهمه يمكن دا هدف موضوعي النهاردة انك تكون ليك علامة و بصمه .